samedi 12 mai 2012

Զուիցերիոյ հայոց թեմ


 Ժընեւ եւ Լեման շրջանի Եկեղեցական Ծուխի Ընդհանուր արտակարգ Ժողովը


   Տարւոյս Ապրիլ 26ին, Ժընեւի Հայ Կեդրոնին մէջ տեղի ունեցաւ Զուիցերիոյ Հայոց Թեմի Ժընեւ եւ Լեման Շրջանի եկեղեցական ծուխի արտակարգ ընդհանուր ժողովը, որու նպատակն էր ընտրել ծխական նոր խորհուրդի անդամները:
     Նշենք, որ Ժընեւ եւ Լեման Շրջանի ծուխը հիմնադրուած ու վաւերացւած է 2011 Յունիս 20ին Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի օրհնութեամբ:
   Ժողովը բացուեցաւ Զուիցերիոյ Հայոց Թեմի Առաջնորդական Տեղապահ Տ. Մեսրոպ Վարդապետ Պարսամեա­նի աղօթքով, որ ողջոյնի խօսքով դի­մեց ներկաներուն։ Ներկայացնելով թեմական եւ ծխական կառոյցներու կարեւորութիւնը թէ՛ պատմական, եւ թէ ներկյիս եկեղեցական կեանքին մէջ՝ Մեսրոպ Վրդ. ընդգծեց յիշեալ կա­ռոյցներու կազմակերպման անհրաժեշ­տութիւնը զուիցերահայոց եկեղեցա­կան համայնքին մէջ եւ անդրադարձաւ յետագայ աշխա տանքներուն:
 Առաջնորդական Տեղապահի առա­ջարկով ժողովականները իբրեւ ժողովի համանախագահներ ընտրեցին ՊՊ. Դանիէլ Փափազեանը եւ Արտէն Շէլլէֆեանը։ Անոնք արդէն տարի մըն է նախանձախնդրութեամբ եւ պատասխանատւութեամբ լծուած են թեմական եւ ծխական կառոյցներու կազ­մակերպման աշխատանքներուն եւ մեծապէս նպաստած են սոյն ժողովի հրաւիրման։
   Ուշագրաւ էր ժողովին՝ հայորդի­ներու աննախադէպ մասնակցութիւնը. 150 ձայներու քուէարկութեամբ, ժո­ղովը ընտրեց անդամակցութեան ներ­կայացուած 11 թեկնածուներէն՝ ծխա­կան խորհուրդ, հետեւեալ կազմով.

Աղաւնի Սրմաքէշ­-Պաղճեան 
Անի Ղազարեան­-Տրիսսի 
Վաչէ Մարկոսեան 
Վահիկ Բարամեան
Խաչիկ Քարայակոբեան 
Ֆլավիան Այկընզաց
Արեւ Սալամոլար-­Եըլտըզ 
Անահիտ Օհաննէսեան 
Տիգրան Եազմաճեան 

     Յառաջիկային նորընտիր ծխական խոր հուրդը պիտի գումսրէ անդրա­նիկ ժողովը եւ ընտրէ իր գրասենեակը՝ ատնապետ, փոխատենապետ, գան­ձապահ եւ քարտուղար։
  Թեմական կառոյցներու կազմակերպման աշխատանքներու շրջանակին մէջ՝ Առաջնորդական Տեղապահը եւ Ժընեւի Սուրբ Յակոբ եկեղեցւոյ հոգեւոր հովիւ հոգեշնորհ Տ. Տիրան Աբեղայ Պետրոսեան ձեռնամուխ պիտի ըլլան թեմական պատգամաւորական ժողովի հրաւիրման եւ թեմական խորհուրդի ընտրութեան՝ Ժընեւի, Նէօշաթէլ­ Ժիւ­րայի եւ Ցիւրիխի եկեղեցական ծու­խերէն ներկայացուած պատգամաւոր­ներու հետ միասին։ Կընախատեսուի նաեւ եկեղեցա կան ծուխեր հիմնել Աարաու, Լուկանօ եւ զուիցերական հայաշատ այլ քաղաքներուն մէջ:

ՆՈՐԸՆՏԻՐ ԾԽԱԿԱՆ ԽՈՐՀՈւՐԴ